ثورة مصر بين فلول النظام السابق وفلال 6 ابريل والليبراليين

عندما استهدفت حركة 6 ابريل محاصرة وزارة الدفاع المصرية رافعة قميص عثمان _كما قال خالد حبيب فى مقاله _فانها كانت قد مكرت للشعب والجيش المكر السيئ الذى حاق بها فى النهاية

فتعلم 6 ابريل ومن وراءها من ليبرالى الداخل والخارج ان اسقاط مبارك الفاقد الشرعية والشعبية والاحترام والتقدير فى عين الشعب هو من السهولة بمكان عندما نقارنه باسقاط جيش يحظى دائما بكل معانى التقدير والاحترام فى اعين الشعب فضلا عن ان شرعيته فى البقاء ضاربة بجذورها فى اعماق الماضى مكتوبة بالبارود والدم
والجدير بالذكر هنا ان ليس هناك فرق بين جيش وقادته او جيش ومجلسه الاعلى

ولقد مكرت 6 ابريل ومن وراءها من الداخل والخارج للجيش والشعب معا
فمكرها كان يستهدف :
اما ان يستفز الجيش فيهزمها مما يستدعى ان يحكم قبضته على امور البلاد وتذهب ثورتنا وحريتنا وبلدنا نفسها ادراج الرياح
واما ان تنتصر فيضيع جيشنا وبلدنا ايضا ويذهبوا ادراج ارياح

وفى الحالتين فان الخارج الامر لكلاب الداخل والذى لم يستطع ان يؤثر فى قرار الجيش بمغادرة الحكم باصله و بفرعه ، سيكون الفائز الاعظم
فاما ان يغير الجيش قراره واستراتيجيته ويحكم البلاد كما اراد الخارج والداخل الغير اسلامى بالفعل
واما ان يذهب الجيش تماما ونهائيا بعد ان قضت عليه ثورة جديدة موبوءة ويحكم البلاد من يعرف انه لن يرى الحكم براى الشعب واختياره يوما من الايام ، وذهاب الجيش هنا وفى هذه ليس معناه العودة للثكنات وانما ذهابٌ كذهاب جيش العراق

ولكن لان الله الذى خطط لثورتنا و جعل خطواتنا الخاطئة ايام يناير وفبراير هى اصح الصحيح فى حين جعل خطوات النظام السابق الصحيحة هى اخطأ الاخطاء ، كان بالمرصاد لهذه الفئة التى تتاجر بدم الشهداء وتتحدث بلسان الشعب والشعب منها براء
فلم يستفز الجيش ولم تنتصر هى !
بل كان هناك شعبا واعيا حيًّ تحرك من منطق اقرب للقبلية والذاتية فكان درعا للوطن كله على غير علمه
كان شعبا واعيا بالعباسية رد الله به كيد هذه الفئة الضالة والمضلة فخرجوا يستغيثون على شاشات فضائياتهم بانهم محاصرين من اهل المكان من كل جانب ولا يريدون الا ان يسمح لهم بالانسحاب الامن !
فكانت الحناجر الجاعرة فى وجه الجيش امس هى نفسها اليوم الاصوات المستغيثة من يد الشعب وفعله عندما سمع حسه بالفضا

لقد مارست حركة 6 ابريل البطر بكل معانيه على النعمة التى وهبها الله للشعب بيد الشعب الا وهى الحرية الكاملة وابت الا ان تستخدم ادوات واليات من زمان غير الزمان فكانت النتيجة الهزيمة الساحقة
لقد خرجت هذه الحركة التى لا يتعدى اعضائها بضعة مئات من الشباب لتلوث وجه الثورة المصرية ،وتمارس اهانة المصريين بالاستخفاف بهم وبجيشهم ، حصنهم الباقى الشريف

تلك الحركة الضالة والمضلة اصبحت ركنا اصيلا فى المعادلة المصرية
حيث المصريون اصحاب الثورة وجيشهم فى واحدة
وفلول النظام البائد فى الثانية
والان الفلاّل من 6 ابريل والليبراليين فى الثالثة
ففى معاجم اللغة فان ، الفَلُّ (بفتح الفاء ) تعنى المنهزمون ، وفل القوم يفلهم فلا اى هزمهم فانفلوا وتفللوا ،، وقوم فل اى قوم منهزمون، وجمعها فلول (بضم الاول )

ولقد تفللت بقايا النظام السابق حتى اصبحت فلول
فهم فلول نظام مبارك المخلوع


وفى اللغة ايضا ( فالّ ) بفتح الاول وتشديد اللام ، ويكون فال فاعلا بمعنى مفعول لانه هو الذى فل
وجمع فال (فلاّل) بضم الفاء وتشديد اللام

ومنها فان
الليبرالييون و جماعة 6 ابريل هم الفلاّل

والذى فلهم ايضا هو الشعب

فالثورة انتجت فلول هزمهتم
وفلال من الثورة انهزموا

فمصر بين فلول النظام السابق من جهة
وفلال 6ابريل والليبراليون من جهة اخرى
ويا عينى يا مصر عليكى

عقيد شرطة يقود المسيرة من الدقى الى التحرير بتكليف رسمى

ااااااااايه دنيا

كان يا مكان فى ايام زمان فى سالف العصر والاوان شعب بيطلع يتظاهر ، قول 100 قول 200 قول بيوصل الف فى بعض الاحيان

وكان فى ذاك الزمان فى ظل نظام حكم الاوغاد حتى لو المظاهرة مش ضد النظام فلازم تتحاصر بقوات الامن المركزى وتتمرمط فى الشوارع يا عينى الرتب الكبار

اااااااااااااااايه دنيا

وكان مستحيل المستحيلات وبداية الضرب والاهانات

انها تتحول من وقفة لمسيرة متحركة فى الشوراع وتوصل كما تريد وترى بر الامان عند اى جهة او مكان

ااااااااااااااااااااااايه دنيا

لكن فى عصرنا الحالى وفى هذا الوقت والزمان اتغيرت الدنيا تماما بفعل الاحرار ابناء الميدان

تطلع مظاهرة تعملها مسيرة تقول ده اعتصام انت حر وفى امان

واصبحت وظيفة الشرطة تامينك وتامين المكان

--------------------------

لاول مرة فى حياتى اخرج فى مسيرة يقودها من الدقى للتحرير عقيد شرطة بالتكليف

يكون فى المقدمة ينظم حركة السيارات والمسيرة عند كل اشارة مع ضباط وعساكر الاشارة

لاول فى فى حياتى يكون شغل الشرطة تامين المكان وبس وخلاص

فى بداية المظاهرة امبارح قدام السفارة السورية اللى يبدو ان سفيرها حمار وكان مجهز نفسه من امبارح

اشتغلت الهتافات لاقيناه مطلع سماعات كبيرة ومديها اغانى تاييد لبشار

اخد له كام طوبة جرى جوة السفارة وبدات احتمالات الاقتحام للسفارة شبه اكيدة

راحت الشرطة بقيادة احد اللواءت فاصلة الكهرباء تماما عن كل السفارة ارضاء للمتظاهريين ومنعا للتصعيد

و لما منظمى المظاهرة (شباب سوريا الحر) التحرك لجامعة الدول فى التحرير كمسيرة

زى ما قلت سابقا تم تكليف عقيد فقط وبس ومن غير ولا عسكرى اخر لمرافقة المسيرة فى طريقها حيث تريد

طبعا انا كنت حاسس انى فى حلم وحاجة فوق الخيال

والمسيرة اللى كانت حوالى الف او الف ونص لم تؤثر اطلاقا بسبب طريقة تنظيم سيرها فى حركة اوسيولة المرور

المسيرة على الجنب او على الرصيف بتهتف والعربيات على الطريق فى الاتجاهين بتكلكس وتزمر او تقدر تقول بتعزف بقية النوتة وتغنى

ودى مصر الجديدة يا عبد الله

الافضل فى ...... المرشح المحتمل للرئاسة

الافضل فى ............ المرشح المحتمل للرئاسة

----------------------------------

عبد المنعم ابو الفتوح

قوله : افكر بشكل جدي في الترشح للانتخابات الرئاسية مستقلا عن جماعة الإخوان المسلمين

وقوله : القيادات الحقيقية فى المجتمعات هى التى تقف فى لحظة جرأة صادقة لتتحدى التراكم العشوائى للأحداث

وقوله : لقد تجاوز الإنسان مرحلة خداعه باسم الدين.. تلك فترات سحيقة البعد فى التاريخ مضت وانتهت.

وقوله : نعلم جميعا أن الإسلام أكثر من كونه دينا، كما كان يقول دائما د. عبدالوهاب المسيرى وعلى عزت بيجوفيتش ـ رحمهما الله ـ لأنه بالفعل يحتوى الحياة كلها

---------------------------

محمد البرادعى

قوله : فى حالة اى عدوان جديد من اسرائيل على غزة ساقوم بتفعيل اتفاقية الدفاع المشترك

وقوله : سافتح المعابر مع غزة فى حال فوزى بالرئاسة

وقوله : الثقة بين الشعب والجيش خط احمر

وقوله : نثق فى المجلس العسكرى وواجبنا انتقاده لمصلحة مصر

----------------------------

هشام البسطويسى

قوله : الرئيس القادم سيكون خادما للشعب

وقوله : لا اغازل الاقباط سياسيا

--------------------------------

حمدين صباحى

قوله : نريد دولة مدنية لها مرجعية اسلامية

وقوله : عمرو موسى جزء من النظام السابق

----------------------------------

ايمن نور

تمسكه بالامل وعدم احساسه باحتقار الشارع المصرى له

--------------------------

احمد شفيق

بلوفره

-------------------------

عمر سليمان

الراجل اللى كان واقف وراه

-----------------------------------

عمرو موسى

لغلوغه

-------------------------------

وقريبا بالاسواق

اسوء ما فى .........المرشح المحتمل للرئاسة

تخاريف الصباح

تخاريف الصباح

-----------------------------

لا اعرف ان كان هو دستور الثورات جميعها ، ام انه دستورنا المصرى الغير مكتوب

اتحدث عن شئ اكبر من تقبل الراى الاخر

اتحدث عن تقبل ان احدا يرى الثورة شئ فى منتهى السوء والضرر ، بالتاكيد اول ما يتبادر لذهنك الان اننى من الثورة المضادة او فل من الفلول ، بل انا لو تعرفنى اكبر المؤمنين بالثورة والثورية

ولكن هذا هو ما اتحدث عنه ، انه لكى تقبل منى الرأى فى الثورة يجب ان اقدم فروض الولاء والطاعة للثورة اولا ، والا كنت من الخائنين

فى الواقع انا لا اتحدث عنك ، بل اتحدث عن نفسى ، فانا (والكل مثلى وانا مثلهم ) هو هذا الذى لابد ان تقدم امامه فروض الولاء والطاعة اولا للثورة قبل ان تنتقد اى شئ يمسها

لا لست انا فلم اكن موجودا فى سنة 1952 عندما تحولت الحركة او الانقلاب سنة 1956 الى ثورة على اصح الاقوال :)

لم يكن مباحا ليس قانونيا فقط ولكن فى عقول وقلوب الشعب والناس ان ترى ثورة 1952 تجاوزا وخطرا وجريمة فى حق الوطن

صحيح انه حاليا لم يعد جرما، لا ماديا ولا معنويا ان ترها كذلك بل وتتحسر على ايام الملكية التى لم تعشها ولم تخبرها ،لكنه وقت الثورة كان اشد الجرائم بل يكاد يفوق جريمة القتل العمد

فهو الفتنة والفتنة اشد من القتل

بل لقد كان اغلب المعتقلين يصرخ بايمانه بالثورة وبعضهم يتمادى الى الايمان بقائد الثورة من داخل سور المعتقل ومن على صفحة بلاطه الاحمر القانى عن قناعة حقا وعن صدق ولكنه معترض على بعض ممارساتها اومختلف فى قليل مع قاداتها ولا يغفر له اتفاقه فى الكثير معهم

فاين الرافضون للثورة اذن، اذا كان حال هؤلاء وهم المؤمنون بها فى المعتقلات

لا يا سادة ، لا يقع الشعب فى فخ مرتين

وان لم نتعلم من ماضينا فلا امل فى مستقبلنا

يجب بل هو الفرض اننا اختصرنا الوقت الان فى مسألة تقبل رؤية احد للثورة بانها جريمة فى حق الوطن

استهلكت ثورة 1952 اكثر من 3 عقود تقريبا حتى يحظى رافضها بحق الظهور بدون تخوين او عمالة للغير الخارجى او الداخلى

فان كنا شعبا تعلم من ماضيه فيكفى ثلاثة شهور ليحظى بعدها رافض الثورة بحقه فى عدم التخوين والعمالة للخارج

من الان مع تقبلى لمخاطرة ان يكون المتحدث فل من الفلول او عميلا او خائنا حقيقيا وليس وهما فاننى اقبل كل رافض للثورة حتى يثبت انه عميل او خائن او فل ثبوت اليقين

اقبله ولا اومن برأيه

فانا مع الثورررررررررة

ثورة ثورة حتى الموت

الله ثم الوطن الثورة

الاولة خالد والتانية خالد

الاولة خالد واعدم يا ناس خاين عميل

والتَانية خالد وخلعت مصر توب العويل

كأن الخلد يا حرة مكتوبك قرآن وانجيل

وكأنك الخلد جنة نازلة من السما تنزيل

مع كل خالد ترفرفى ونشعل الاناديل

اه يا ست البلاد ،ما تعرف المستحيل

سقينا زرع الصبر ،، دم ولاد النيل

أطفنا زهور المجد نئاوة م المحاصيل

خيارنا كرامة فقر، مشواره لسه طويل

نهايته ست الحسن ترجع بـ وش جميل

تضحك لطين الارض ، يرقص بالمنديل

ويرمى علينا الخير وننشد المواويل

يا سيناء يا ارض الحزن ، طبأ علينا الليل

صحينا فى ليلة بدر ، مسكنا حرامى ثئيل

كشفنا مين الكلب ؟، طلع بجسم هذيل

رئيس عصابة الكلب لشلة المساطيل

سارقنا يا ابن الكلب ومسمم المحاصيل ؟!!

ما عدش تانى خيانة،، جالك وقت الرحيل

علاقة احمد عز بالف ليلة ليلة ، ثقافة شعب

بلغنى ايها القارئ التعيس انه فى زماننا زمن المحابيس ظهر البرادعى كفارس للمنكوبين ، وكانت اولى غزواته ضد الشريرين مع ابن عز بياع الحديد فى مناظرة على قناة الأمريكيين

ثم بعد هذا بحين كلمحة عين او فك تقطيبة الجبين ، اعادت هيئة صفاقة الصافقين ملك اليمين لخاوزق حسنى المصريين طبع الف ليلة وليلة المتين فانه يا خويا من تراث الاقدمين

والجدير باخذ العين وطرطقة كلتا الاذنين انه زمان الملاعين ،عصفور المزقزقين (جابر عصفور) مع ملعون اللسان والجبين سلماوى المتين (محمد سلماوى )وثالثهما فحل الناظرين ونطيحة الكاتبين ابوغيط المثقفين بتاع الزخائر والزخائرين (جمال الغيطانى )

وكانت احداث عظيمة يا مولاى القارئ الى الحين محتملا سماجة السرد واختلاط الامرين

---------------------------------

عندما كان البرادعى فى مناظرته مع قطب النظام الفارع القصر وضخيم الراس والجيب احمد عز ، لم يتوانى ابن عز فى استخدام احقر الاساليب والتى اظهرت لكل المصريين ضعف جحته وحجة حزبه الملعون فى اظهار البرادعى على انه عدو امريكا والامريكيين (وان كنت اتمنى انه كان يكون كده فعلا )حتى لدرجة انه جمع فى انصار البرادعى بين عدو امريكا القديم متمثلا فى اليسار وعدوها الحديث من الايرانيين

فوصف انصار البرادعى محذرا بل مخوفا بل ضاحكا على ذقون الامريكان الهبل ولاد العبيطة بانهم ـ انصار البرادعى ـ ليسوا الا هؤلاء السابقين ، فهذا الرجل احذركم منه فلا يناصره غير اهل اليسار (ربنا لا يجعلنا منهم لا دنيا ولا اخرة ) والاخوان المسلمين (وبرضو لست منهم ) ، ثم انتبه انتباه من ترك بعضا فى كأسه سياتى عليه فى رشفه واحدة وتذكر بان الاخوان ليسوا بالصفة التى يود ان تصل عنهم للامريكان فاكمل على جملته بسرعة وصب على اذنينهم وهو صاحب مصبات ومصهرات الصلب وقال فض الله فاه وجيبه عن قريب : ودول بقى ياست امريكا زى احمدى نجاد كده بتاع ايران ،،

خافى يا امريكا واترعبى وتبقى مصيبة لو ما كنتيش لابسة البامبرز

بس ده عادى وطبيعى وكل المصريين واخدين عليه بل لقد اصبح لدينا مناعة من كلام مصهر الصلب محتكر الحديد واى حد من النظام الحاكم كله ، بنسيبهم بقى يهوهوا واهى رزية واترزينا بيها ومالهاش خلاص الا لما ربك يريد.

والحقيقة لم يترك احد هذه الفرصة

وانتقدنا جميعا وسخرنا واتريقنا على ابن عز واللى عمله وكانت السخرية حالة عامة وواجب وطنى فى الصحافة وبعض البرامج الحوارية وحتى المدونات وتجمعات النت ،

الخلاصة ان الكل اتريق وسخر من الطريقة العبيطة اللى اراد ان يخوف او يستقطب بيها الامريكيين ويعرفهم ان النظام ده هو احسن حاجة لامريكا ومن غيره تعانى بشدة ،

طبعا هو هنا صادق بصراحة الراجل من غير ما يكون البرادعى عدو ليهم ومش هياخدوا من حد هم والاسرائيلين زى ما بياخدوا من النظام ده ابدا

------------------------------

بس ما علاقة كل هذا بمهرجان الف ليلة وليلة الاباحى والملاعين الثلاثة

اقولك يا عم ، الامر بدا معايا بنقل عن صحيفة التليجراف البريطانية عن احد المتحدثين باسم اتحاد كتاب مصر بان من قدم البلاغ للنائب العام ضد الف ليلة وليلة هم اشبه بطالبان ،، واخدالى بالك انت يا معلم انها ثقافة شعب كامل وليس احمد عز لوحده هو بتاع التخويف علشان يكسب مناصرين ومؤيدين

المهم قعدت ادور على النطع اللى قال كده لاقيته ملعون اللسان محمد سلماوى ، فقلت فى الاول ده سلماوى بقى ما تخدش على كلامه ياض وكبر دماغك

ثم اذ فجاتن (فجأة) الاقى حزب المدافعين اغلبه يتخذ نفس السياسة الوسخة دى فى مهاجمة اى حد معارض لنشر القصص حتى لو طلب مجرد تنقيحها

خدوا اتفرجوا

وصف رئيس اتحاد الكتاب المصري الكاتب محمد سلماوي من قدموا بلاغاً ضد ألف ليلة وليلة بأنهم طالبان الجدد

ذهب الكاتب جمال الغيطاني إلى أن الهجمة الشرسة على ألف ليلة لا تساويها غير محاولة اغتيال نجيب محفوظ في تسعينات القرن الماضي

هؤلاء المتطرفون يلجئون لأساليب أتاحها القانون لمهاجمة المثقفين، ونحن إزاء عمل منظم يستهدف النيل من الثقافة والإبداع تحت ستار الدين والإسلام

اما جابر عصفور فانا اخرت كلامه للاخر لانه عسل بس عثل اسود

جابر عصفور: الهجوم على ألف ليلة بأنه عودة للتيار السلفي

وأوضح عصفور أن ثقافتنا العربية في صراع مستمر بين عقليتين الأولى هي عقلية الصحراء والثانية عقلية المدينة، فعقلية الصحراء تحتقر المرأة وتعتبرها معرة، أما عقلية المدينة أو العقلية الحضارية فهي عقلية مختلفة تجمع أجناساً كثيرة وقناعات مختلفة وتحترم المرأة، وعن الأسماء في ألف ليلة وليلة نجد أن اسم شهرزاد يعني بالفارسية ابنة المدينة واسم شهريار يعني بالفارسية أيضاً ابن المدينة، إذن "ألف ليلة وليلة" تمثل عقلية مدنية تنتقل فيها المرأة من وضع الصحراء التي تحتقرها إلى وضع المدينة التي تحترم المرأة، وتعد "ألف ليلة وليلة" تعبيراً عن هذا الاختلاف بين المرأة المحتقرة في البادية والمرأة في المدينة ذات العقلية المثقفة المتفتحة والرجل الذي يسمح بأن تتفوق عليه المرأة وأن تصبح أكثر خبرة ومعرفة منه، ولأنها من حكي بنت المدينة "شهرزاد" فهي تنتصر لأخلاق المدينة وتنتصر على شهريار الحاكم الباطش المستبد من خلال حكايات تجمع حكمة الأولين والآخرين، وليست مصادفة أن بطلة الليالي امرأة تمثل عقلية المدينة وأن أول دراسة تكتب عنها قدمت من امرأة، فالمرأة القديمة تعود في عقلية امرأة جديدة وهذه المرأة الجديدة هي التي تدرس الحكايات دراسة علمية أدبية.

عصفورة المزقزق ولعها بقى بصفته من بتوع مجلس النسوان القومى

عضو المجلس القومى للمرأة

مقرر لجنة الثقافة والإعلام بالمجلس القومى للمرأة

عضو المكتب التنفيذى بالمجلس القومى للمرأة منذ تأسيسه

فجمع بين السلفين (برضو طالبان ومن على شاكلتهم ) وراح مديها بقى نعرة تمييز ضد الستات كمان

علشان ياخد مجلس النسوان القومى معاه واصبحت الف ليلة وليلة اللى بيحاربها علشان هو غيران من ان واحدة ست غلبت راجل وتفوقت عليه ، طب ده بذمتكوا ما يبقاش راجل مخصى لو شايف ان هو ده هدف الف ليلة وليلة وسبب الدعوة ضدها

كده يبقى المدافعين عن الف ليلة وليلة شايفين ان اللى ضد انها تتنشر بما تحمل من جنسية الحكى هم السلفين وطالبان بس وهم بس المعارضين

ده كده بقى يبقى ما فيش غير السلفين اللى هم زى طالبان او هم نفسهم طالبان الجدد اللى عندهم اخلاق او عاوزين يحافظوا على احترام المنشور لاخلاق الناس وعادتهم وبلاش دينهم لاحسن اكون طالبانى ومش واخد بالى بس مش بتاع العراق بتاع افغانستان مصر الصحراوى

وبقية الناس كلها اللى مش سلفين ولا طالبان يبقوا ماعندهمش دم ولا اخلاق ولا دين وولاد ستين كلب علشان يعجب شوية المخزوقين ثقافيا دول

طيب لو كده بقى فانا طالبان وانا السلفين كلهم

من النهاردة ما فيش طالبان

انا طالبااااااااااااااااااااااااااااااااان

انا طالباااااااااااااااااااااااااااان

----------------------------

بس بجد بقى هو بلاش دينهم ليه ؟؟؟؟

هو بقى عيب اليومين دول ولا ايه انى اعارض حاجة عكس ما بيقول دينى ؟

هو فى ايه ؟ هو ايه مرجعية الحكم على الاشياء ؟

طب بلاش الدين اللى بيجيب لهم حساسية فى الخياشيم ده ويخليهم يحكوا طيازهم فى الحيطة كده ،

طيب الاخلاق ، واحد شايف ان نشر القصص دى من غير تنقيحها من القصص الجنسية وماينفعش كده عنده

وما فيش واحد عنده اخلاق يحب بنته او مراته تقرا القصص دى ، واتحدى ان اى كلب من اللى فاتوا دول يكون جاب القصص دى لبنته قبل كده علشان تتمتع بقرائتها

على فكرة هم مش معترضين ولا بينكروا انها فيها قصص جنسية خالص

بص مثلا ابراهيم عيسى احد المدافعين عن نشرها بالكامل بيقول ايه

لهذا فهي غنية وثرية وعجيبة ومسلية وأيضا قليلة الأدب !

أن «ألف ليلة وليلة» فيها مشاهد وقصص مليئة بالخيال الجنسي الجامح والعري المتحرر بل الألفاظ الواضحة الفجة للعملية الجنسية، ربما لأن الكاتب مجهول فكان جريئاً، وربما لأنها كانت شفوية فتحرر البعض من قواعد كثيرة، ولعل أحد أغراض رواياتها في حينها كانت الإثارة والتثقيف الجنسي في مجتمع كان يتراوح بين التحفظ والتزمت حيناً والتحرر والانفتاح حيناً آخر.

نعم هناك صفحات في منتهي الجرأة والوقاحة ربما، ولكن لا يمكن أن تمتد يد لتحرم أو تقطع أو تصادر أو تحرق، طيب عملوا إيه

طيب ده الاكثر من كده ان الراجل بيعترف كمان انها ادبيا ولا حاجة ولا هى تحفة ادبية مثلا ولا غيره دى اى كلام

الحقيقة أن هذه الصفحات ليست روائع في الكتابة والإبداع ويمكن أن تتجاوزها القراءة الرشيدة والراشدة

طيب يعنى شايفين انها مش تحفة فنية ولا عمل ادبى يستحق القراءة عند البعض وممكن تجاوزها كمان يبقى مش فاضل غير انها جنسية ،

هو فى ايه ؟

يردوا يقولوا لا دى قداسة التراااااااااااااااث يا معلم

يا عم امك على ام التراث فى ساعة واحدة ، تراث ايه روح امك اللى عملتونا بيه دوشه علشان تشغلونا قبل انتخابات الشورى و الشعب

وبعدين يا اخويا ماهى متنيلة موجودة فى الكتب وماحدش قال نجمعها ونحرقها مثلا ولا نبيدها من الوجود ، كل الحكاية ان لو عاوز تعيد نشرها تانى تنقحها الاول من الحاجات اللى مخالفة الدين (والدين الاول اهو غصب عن عين اهل اللى مش عاجبه ) والاخلاق (كأن االدين بقى من غير اخلاق لكن ماشى علشان لو حد ماعندوش دين) وعادات الناس

انما ان كان على الحفاظ على التراث ماهى مرزية فى كتبها بكل اللى فيها وماحدش قالك اعمل فيها حاجة

ما كلنا حبينا ولسه بنحب اللى اتعمل منها فى الراديو والتلفزيون علشان كانوا بيختاول منها القصص المتوافقة مع دينا واخلاقنا وعادتنا

الخلاصة من ده كله

ان نفس اللى عمله احمد عز مع البرادعى ، كل اللى يدافع عن اعادة تنقيح ما ينشر من القصص دى بقى سلفى

زى ما واد اهبل كده دخل يسالنى لما بدافع عن تنقيحها وقالى

هو انت سلفى؟

الحقيقة كنت عاوز اشخرله لكن التويتر لا يقوم بتوصيل الاصوات للاسف

انما من كلامه حسيت انه لسه صغير قوى لا عارف سلفى ولا غيرهغير مصطلحات وتصنيفات وخلاص من بره وبس

فروحت قايله انت باين عليك لسه عيل صغير

فتنرفز جدا منى فتاكدت انه عيل صغير فعلا

واخيرا قالى انه كبير قوى قوى عنده 23 سنه ومش صغير ولا عيل

قلت له ياريتنى انا ارجع عيل صغير

وهنا ادرك شهرزاد الصباح فسكتت عن الكلام المباح

واللى مش مباح مش هيتنشر

وطظ فى ملاعين خازوق حسنى

افكاااااااار مالهاش رابط او ليها_مش مهم

رجعت من السهرة المتأخرة مع صحابى

السهرة اسبوعية

ليلة الجمعة

العيال بتهرب من مراتتهم على القهوة والبلياردو وسيبر اطفال

الرجالة على ابواب الاربعينات وبيلعبوا ميدل اوف اونر

الجواز ومصايبه هاتيجى على دماغى انا ولا ايه

اتخانقوا معايا علشان روحت متاخر قوى للاسبوع التانى على التوالى

وتلفونى بايظ ومقفول من يومين

سيبتهم يروحوا يتعشوا لوحدهم علشان عندنا سمك مشوى من عمايل الحاجة

ناوى اتفرج على فيلم ذا ثين ريد لاين بعد العشاء مع كوباية القهوة

انا بشرب قهوة وانام بعدها

العشاء سمكة مشوية ورز وسلطة ، باقى نصيبى

نصيبى كان سمكتين

جيبت الجزيرة وانا باكل

وبعد ما اغسل ايديا اشغل الفيلم احسن

مالقيتش اخبار

احمد منصور فى لقاء مع خالد مشعل

كنت باكل بمتعة الجوع

ايوة الجوع متعة وقت الاكل

انا باكل وباسمع مصايب فلسطين

انا ما عنديش دم

لا انا اخدت على المصايب خلاص وماعدش يحوء

الدولة عند حماس

الدولة عند فتح

الدولة عند الصهاينة

الدولة عند الامريكان

الدولة عند العرب

حماس بتناورعلى موضوع الدولة

مشعل فعلا لا يؤمن الا بفلسطين كلها

احمد منصور مش عاوز يضغط

بيمثل انه بيضغط عليه

مشعل عبقرى فى رده على الوسطاء فى موضوع الدولة

دايتون الذى افسد عشاء السمك وفرحة هبوط الداو جونز وفوز البلياردو

ده ماخلاش ليا حاجة بروح اهله

لورانس العرب الجديد

اول مرة اسمع عنه

اصبح الاهتمام بفلسطين لدى من الامور الثانوية ولم تعد فى الصدارة ، هذا ما كشفه لى دايتون

انا لازم اعرف كل حاجة عن دايتون الكلب ده

هو الحل من مصر فعلا؟

الشعب يستاهل اللى هو فيه

انا مش متعاطف معانا ولا معايا

البرادعى شكله هيقضيها ندوات وخطابات فعلا

انا مش عاوز اعتصامات ومظاهرات

هو احنا نقدر اصلا على العصيان المدنى

انحسار الغضب الحالى عن الغضب السابق فى الامة

حتى الغضب الحنجورى راح خلاص

احا يا امة

هم مش عاوزين يسجنونى ليه ، انا زهقت

علشان عارفين انك ولا تسوى اللقمة اللى هيقدموها لك

ولا المكان اللى هتشغله ليهم على الفاضى

انا هروح اصلى بكرة فى الازهر

الساعة داخلة على 4

ابقى قابلنى لو صحيت الا على الصلاة

الجسد المريض فى اخر مراحل الاحتضار وحتى مش قادر على الفرفرة

ما ضاقت الا وقد فرجت

نحن نملك الوعد الالهى

الوعد للمسلمين لله

وليس مسلمى البطاقة

انا مسلم بطاقة

الاحساس بالعجز بيولد عصبية زائدة

الندوات والوقفات والمظاهرات ليست مجال تفريغ كافى لحالة العجز والغضب

انا حاسس بعجز فظيع

العجز ده احساس مؤلم قوى

العجز ده خلانى عصبى

انا بقيت ارزع المعلقة فى الطبق جامد

امى لو الطبق حاصل له حاجة هتطلع عين اهلى

انا ما اكلتش غير ربع السمكة ونفسى انسدت

انا لسه فاضل عندى شوية دم

الحمد لله

فى امل

خالد مشعل احمد منصور

حسن نصر الله

الشعر الابيض

حسنى مبارك

الشعر الاسود الفاحم

القدس

القدس مش بتاعة حماس زى غزة

العيشة بكرامة وانت محاصر

العيشة بدون كرامة تحت الاحتلال

مشعل بيحمل المبحوح المسئولية لانكشاف شخصيته نتيجة احتمال حدوث اخطاء عند العمل السرى

هل مشعل كاذب فى سعيه للمصالحة

هل عباس اصلا صادق فى المصالحة

عباس ده ابن كلب ما يتخيرش عن اللى هنا

ماذا كان يحدث ان لم يكن هناك حماس على الارض

كان ربك هيسبب غيرها

مشعل قائد يستحق كل التقدير والاحترام من الاعداء قبل الحلفاء

العيال التعبانة بتاعة السياسة ما فيهاش دين ، دى عيال ولاد كلب

احمد منصور ما زال يلاعب حواجبه عند الختام ولم يتعظ بما فعله فيه محمد صبحى

انا هاكتب حاجة للمدونة بقالى كثير قوى ما كتبتش هناك

ماعنديش غير افكار متفرقة بس

الوضع اكبر من اى كتابة بكثير

هى الكتابة ليها لازمة

هى الكتابة غرضها تفريغ العجز ؟

مش قادر اكتب

مش قادر اكتب

مش قادر اكتب

مش

مش

مش بدود كتير والجنبة قليلة