_ الحق يا جدع الحق يا جدع وتعالى اتفرج علشان تلحق من الاول يا جدع
_ فى ايه يا زفت انت مالك بتصرخ ليه
الواد فاضح ابن فتنة الغجرية رد عليه وهو بينهج من الجرى
_اصل الست عزيزة بنت الحاج سيد كريم زين الدين
قاطعه شيخ الخفر طارق طرطور
_مالها الست عزيزة ، ما تتكلم على طول يابن الغجرية
_ العيال راحة تلعب كورة فى الجرن من شوية قفشوها مع واحد وهما بـ
قاطعه شيخ الخفر تانى :
انت بتقول ايه يا ابن الكلب انت ، بنت زين الدين لا يمكن ابدا دى كانت ست الستات ، وفى الجرن كمان عينى عينك كده هو ايه اللى بيجرى فى البلد وللناس
_الاكتر من كده كمان يا شيخ الخفر انها طلبت منى ابلغ البلد كلها تروح تتفرج عليها علشان كده بجرى انده على الناس تروح على الجرن بسرعة علشان تشوف من الاول ومايفوتهاش حاجة
_ يا نهارابوك و ابوها اسود ، ده امن البلد فى خطر يا ولاد الكلب وكمان سمعة وشرف البلد كمان ، انجر قدامى يا حمار خلينى اجرجرها هى وابن الكلب اللى معاها على بيت العدة لحد ما العمدة يطلب لهم المركز يجى يلمهم ويكسحهم من هنا
_ هتجرجر سى جميل ابن العمدة حسونة وهتسلموه كمان للمركز يا شيخ الخفر !!!!!
_ روح يا فاضح اعمل اللى قالت لك عليه الست عزيزة ، بكرة جميل يتجوزها وهيبقى مافيهاش حاجة ابدا اللى بيحصل دلوقتى ،
وانا هشوف كام بشكير وملايه واسبقك على هناك
ليست هناك تعليقات:
إرسال تعليق