طبعا الاستحواذ على الدخيلة اللى اصبحت عز الدخيلة كان نقطة التحول الكبرى فى المسيرة الاحتكارية
بقلم /المحرر
لاول مرة ارفق تشارتاتى ولن يكون الكلام المصاحب لها عن الترند والباترنز والمؤشرات
وذلك مع تشارتى عز حديد وعز الجوهرة
فتشارت سهمى عز توضح حركة السعر بهما رحله صعود صاحبهما
وكيف تضاعفت ثروته
والى اى مدى يتحكم عزو بحركة السعر بشكل يجعل صاحب النظرة الاولى لهما يظنهما نفس السهم لما بهما من تطابق فى الانفجار والصعود والهبوط
وهنسيب عز الدخيلة لبعيدين علشان ده قصة لوحده
سهم الحديد اللى فوق والبورسلين اللى تحت
بدات رحلة مضاعفة الثروة من سبتمبر2006 حيث كان سعر سهم عز حديد 3.75 (ثلاثة جنية وخمسة وسبعون قرشا) طبعا بسعر النهارده بعد التوزيعات والتقسيمات والاكتتابات
عز القابضة للصناعة تملك 65.7 المية من اسهم الشركة والباقى تداول حر(يعنى ممكن يشترى ويبيع فيه بمزاجه عن طريق اى اسم تانى لو مش عاوز يظهر نتيجة تعاملاته على شاشة البورصة وانسى بقى الافصاح والكلام الاهبل ده)
المهم
عم احمد سهمه اتجنن فجاه كده من التاريخ ده وبقى بكام يا اخونا
بالصلاة على رسول الله
بقى ب 30 جنيه فى فبراير2007 يعنى فى 8 شهور عمل 800 المية
يعنى كل 3مليون و750 الف بقوا ببركة سى عزو 800 مليوووووون
وافتكر ان عزو باشا معاه 65 المية من اسهم الشركة واحسبها انت بقى
طبعا طبقا لسجلات البورصة عز ما خرجش باى سهم
والسهم بينزل لحد 11 جنية تانى وهو جاى من 30 جنيه فوق
مش مهم وهنعمل مصدقين
لان السهم طلع تانى الى16 جنيه وكسور
لانهم لاقوا الدنيا هتقرب تسود على دماغنا
قامت مجموعة عز بايعه فى يونيو 2007
22 مليون و800 سهم على 21.41 جنيه (تقريبا 16 جنيه باسعار النهارده بعد التوزيعات)
احسبها براحتك لو ليك فى الارقام الكبيرة دى
لكن انا بتجيلى كرشة نفس بعد الستة اصفار
شعبان عبد الرحيم السياسة يتحدث عن حماده عزو
والسهم راح نازل هبد فى اسبوع تقريبا الى 13 جنية بعد ما باع المعلم
والتريدة تبدا تانى من هنا
من 13 جنيه السهم يطلع شارب زى ما احنا اتعودنا خلاص لحد 25 جنية تانى (بسعر النهارده )
وطبعا ال22 مليون سهم اللى اتباعوا لسه المفروض فى السوق واللى خدهم ونزل كمل شراء ولم السهم من 13 جنيه باع عند 25 جنيه
وبعد ما خلص بيع والناس لبست السهم على الهاى
نزل شارب برضو الى كاااااااااااااااااااااااااااااااام
من 25 جنيه
الى
4.95 جنيه
ولا عزاء لكل اللى لبسوا السهم
وطبعا الكلام عن ان السهم رايح فى ستين داهية وهيوصل 1 ونص بقى فى ودن كل واحد مع ظروف السوق كله اللى كان زى الزفت
وبدات اللعبة من جديد
يتم تجميع السهم من ايدى صغار المستثمرين عند 4.95 وهووووب بقى ب15 جنيه تانى النهارده
ولا مراجيح مولد النبى
شايفين الواد اللى بيلف المورجيحه اهو ده اهم من صاحب المراجيح
حركة ذبذبة عالية جدا بالسهم تفقد المضارب قبل المستثمر القدرة على اتخاذ القرار
اما عز الجوهرة فلم تظهر بسجلات البورصة اى عمليات بيع
لكن بيتحرك على نفس التواريخ تقريبا بنفس الطفرات السعرية
وقارون يكثم بالخزائن الذهب ..... وقد ناصروه واحتكر الصلب
ليست هناك تعليقات:
إرسال تعليق